Астана. 22 қараша. ҚазТАГ – Қазақстан премьер-министрі Олжас Бектенов Украина төңірегіндегі жағдайға байланысты шұғыл жиын өткізді, деп хабарлады үкіметтің баспасөз қызметінен.
«Премьер-министр Олжас Бектенов Украина төңірегіндегі жағдайға байланысты қорғаныс, ішкі істер, төтенше жағдайлар, сыртқы істер, денсаулық сақтау, көлік, энергетика, өнеркәсіп және құрылыс, ұлттық экономика, қаржы министрліктерінің басшылығымен Мемлекет басшысының негізгі әскери және азаматтық объектілердің қауіпсіздігін қамтамасыз ету жөнінде шұғыл шаралар қабылдау туралы тапсырмаларын орындау жөнінде жедел кеңес өткізді», - делінген жұмадағы хабарда.
Премьер-министр қорғаныс министрі Руслан Жақсылықовтың стратегиялық және инфрақұрылымдық объектілерді қорғауды қамтамасыз ету бойынша жүргізіліп жатқан жұмыстар туралы мәліметтерін тыңдап, мемлекеттік органдардың іс-қимылдарын күшейтуге бағытталған бірқатар міндеттер қойды. Тұрақтылық пен қоғамдық тәртіпті сақтау, көлік қатынасының қауіпсіздігі, денсаулық сақтау объектілерінің қызметі және басқа да мәселелерге назар аударылды.
«Уәкілетті құрылымдардың басшылығына Президенттің қауіпсіздікті қамтамасыз ету жөніндегі тапсырмаларының орындалуын ерекше бақылауда ұстау және жағдайдың өзгеруі туралы шұғыл режимде баяндау тапсырылды», - деп нақтылады минкабинетінен.
Мемлекет басшысы Қасым-Жомарт Тоқаев Премьер-Министрге, Президент Әкімшілігінің Басшысына және күштік құрылымдардың жетекшілері мен барлық әкімдерге Украина төңірегіндегі жағдайдың ушығуына байланысты негізгі әскери және азаматтық нысандардың қауіпсіздігін қамтамасыз ету жөнінде шұғыл шаралар қабылдауды тапсырды
Бұған дейін Украина батыста жасалған алыс қашықтықтан әрекет ететін зымырандарды Ресейге қатысты қолданған еді, ал Кремль Украина аумағына Қазақстанмен шекаралас Капустин Яр полигонынан баллистикалық зымырандарды ұшырып, соққы берді. 22 қарашаға қараған түні президент Қасым-Жомарт Тоқаев Украина төңірегіндегі жағдайдың шиеленісуіне байланысты шұғыл қауіпсіздік шараларын қабылдауды тапсырды.
Бектенов Украина төңірегіндегі жағдайға байланысты шұғыл жиын өткізді
