Астана. 21 қазан. ҚазТАГ — Алдағы үш тәулікте Қазақстанның басым бөлігінде жауын-шашын күтіледі, деп хабарлады «Қазгидромет» РМК.
«Таяудағы үш тәулікте Қазақстанның басым бөлігінде Атлантикалық циклонның ықпалымен тұрақсыз ауа райы күтіледі, жауын-шашын (жаңбыр, қар), көктайғақ құбылыстары, батыс және оңтүстік өңірлерде жаңбыр, жекелеген облыстарда күндіз найзағай болады деп болжанады», - делінген хабарда.
Ақпарға сәйкес, 23 қазанда республиканың оңтүстік-шығысында қатты жаңбыр, таулы аудандарда жауын-шашын (жаңбыр, қар), 24 қазанда Жетісу облысының тауларында қатты жауын-шашын (жаңбыр, қар) күтіледі.
Қазақстан бойынша жел күшейеді және тұман болжанады. Температураның фонында күрт өзгерістер болжанбайды.
Алдағы үш тәулікте Қазақстанның басым бөлігінде жауын-шашын күтіледі
