Астана. 27 желтоқсан. ҚазТАГ – Қазақстан президенті Қасым-Жомарт Тоқаев 2025 жылды Жұмысшы мамандықтарының жылы деп жариялады, деп хабарлады Ақорда баспасөз қызметінен.
«Жұмысшы мамандықтарының беделін арттыру және техникалық және кәсіптік білім беру жүйесінің реформасын жүзеге асыру мақсатында ҚАУЛЫ ЕТЕМІН: 1. 2025 жыл Жұмысшы мамандықтарының жылы деп жариялансын. 2. Қазақстан Республикасының Үкіметі Жұмысшы мамандықтарының жылын өткізу бойынша қажетті шараларды қабылдасын. 3. Осы Жарлықтың орындалуын бақылау Қазақстан Республикасы Президентінің Әкімшілігіне жүктелсін», - делінген жұма күнгі Тоқаевтың жарлығында.
Жарлық қол қойылған күнінен бастап қолданысқа енгізіледі.
Тоқаев 2025 жылды Жұмысшы мамандықтарының жылы деп жариялады
