Aлматы. 25 сәуір. ҚазТАГ – Қаржы нарығын реттеу және дамыту агенттігі (ҚНРДА) мен Халықаралық көші-қон ұйымы (ХКҰ) бірлесіп мигранттардың қаржылық сауаттылығын арттыру бойынша жұмыстар жүргізуді жоспарлауда, деп хабарлады қазақстандық ведомствоның баспасөз қызметі.
«ҚНРДА және ХКҰ-ның ынтымақтастығының негізгі мақсаты мигранттар қоғамдастығының қаржылық сауаттылық деңгейін арттыру, оның ішінде қаржылық қызметтерді тұтынушылар ретінде олардың құқықтары мен міндеттерін түсіну арқылы, сондай-ақ қаржы ұйымдарының қызметтеріне қолжетімділікті кеңейту болып табылады. Тараптар «Орталық Азиядағы еңбек миграциясы» жобасы аясында жұмыс істеуге және қаржылық сауаттылықты арттыру саласында тиімді менеджмент жүйесін құруға келісті», - делінген бейсенбідегі хабарламада.
Ақпаратқа сәйкес, ҚНРДА және ХКҰ өзара түсіністік мақсатында мигранттар үшін 2025-2027 жылдарға арналған қаржылық сауаттылықты дамыту бойынша іс-шаралар жоспарын әзірлеу туралы Меморандумға қол қойды
Халықаралық көші-қон ұйымы «Орталық Азияда реттелетін еңбек көші-қонына жәрдемдесу бағдарламасы» арқылы Швейцарияның Даму және ынтымақтастық жөніндегі бюросының (SDC) қолдауымен жобаны жүзеге асыруда.
ҚНРДА мен ХКҰ Қазақстандағы мигранттардың қаржылық сауаттылығын арттырумен айналысады
