Депутат Қазақстанда «шетел агенттері» туралы заң қабылдауды ұсынды
Мәжіліс депутаты Ирина Смирнова «шетел агенті» туралы заң дайындауды ұсынды, деп хабарлайды Orda.kz.
Смирнова Қазақстан ұлттық мүддесін USAID сияқты ұйымдар қызметінен қорғауы қажет деп мәлімдеді.
Депутат жылдар бойы жұмыс істеп келе жатқан бірқатар үкіметтік емес ұйымдардың жағдайын қайта қарап, «БАҚ-ты қолдау», «адам құқығы», «толеранттықты арттыру» дегенді желеу етіп жүргендерді тексеруге шақырды.
«Қазақстанға бұл тәжірибені қолдап, ел азаматтары ақпаратты бағалап, салыстыра алуы үшін оның дереккөзін білетіндей кез келген құрылымды нақты белгілейтін ұлттық заңнама дайындау қажет екеніне сенімдімін. Бұл ретте гуманитарлық және ғылыми ұйымдарға бірқатар ерекшелік белгілеу қажет. Мұндай амал ұлттық мүддені қорғауға мүмкіндік береді, салауатты азаматтық қоғамды қудалауға және оның дамуын бәсеңдетуге жеткізбейді», - дейді ол.
Смирнованың айтуынша, «шетел агенті» туралы заң Израильде, Қытайда, Австралияда, Ұлыбританияда, Францияда, АҚШ-та бар.
Қайрат Сатыбалды мемлекетке қайтарған Т732 млрд қайда жұмсалды
Мәжіліс кулуарында сыбайлас жемқорлыққа қарсы іс-қимыл агенттігі төрағасының бірінші орынбасары Ұлан Сарқұлов Қайрат Сатыбалдының және басқа жемқорлардың активтері қайда жұмсалғанын айтты, деп хабарлайды Ulysmedia.kz.
Оның мәлімдеуінше, жемқорлардың активтері әлеуметтік жобаларға жұмсалған.
«Кеше қайтарылған қаражат мектеп құрылысына бөлінгенін көрдім. Ұлытау облысы, Қаражал қаласындағы мектеп құрылысы. Мен де өзім де есептей бастадым: Қаражал қаласында 27 мың студент бар. Оның үстіне облыс осыдан 2-3 жыл бұрын құрылған. Жаңа мектеп қажет, сыныптарда балалар толып отыр. Сонымен қатар, қазір Ақмола облысының Зеренді қаласында дене шынықтыру-сауықтыру кешені бар. Түркістан облысында өнер мектебі салынады. Осыдан бір апта бұрын ғана БАҚ-та жаңадан жедел жәрдем ғимараты салынады деген ақпарат тараған болатын», - дейді Ұлан Сарқұлов.
Жеңістің 80 жылдығы: Астанада өтетін әскери шеруге Т2,5 млрд бөлінбек
Ұлы Отан соғысының 80 жылдығына орай Астанада өтетін әскери шерудің ұйымдастыру жұмыстарына бюджеттен Т2,5 млрд бөлінбек. Қорғаныс министрлігі тәрбие және идеологиялық жұмыстар департаментінің өкілі, полковник Виталий Адамович мемлекеттік бюджеттен бөлінетін қаражаттың неге жұмсалатынын тізбектеп берді, деп хабарлайды Stan.kz.
«Бұл қаражат жанар-жағармай мен қосалқы бөлшектерді сатып алуға, іссапар шығындарына, әскерлер қозғалысына және форма тігуге жұмсалады. Әскери шеру үш кезеңнен тұрады: бірінші кезең – тарихи және заманауи бөлімнен тұратын жаяу шеруі экипаждарының жүріп өтеді; екінші кезең – механикалық техника жүріп өтеді; үшінші кезең – авиация ұшып өтеді», – деді Виталий Адамович.
«Абай облысының тұрғыны терроризмді насихаттағаны үшін ұсталды»
Биыл 28 қаңтарда Ұлттық қауіпсіздік комитеті прокуратура мен ішкі істер органдарының көмегімен Абай облысының тұрғынын ұстады, деп хабарлайды DKnews.kz.
Ақпаратқа сәйкес, ол терроризмді әлеуметтік желілер арқылы насихаттады деп күдіктелуде. Тергеу әрекеттері барысында заттай дәлелдемелер тәркіленді.
Аталған факті бойынша сотқа дейінгі тергеп-тексеру жүргізілуде.
Фото көзі: parlam.kz