Астана. 8 қараша. ҚазТАГ - Әділет Барменқұловтың Қазақстан футбол федерациясының (ҚФФ) президенті қызметінен кететіні туралы Meta-ratings.kz. спорттық басылым хабарлады.
"ҚФФ басшысы Әділет Барменқұлов өзінің кететінін жариялады. Бүгін ұйымның кеңсесінде кеңес өтті, кеңесте басшы өзінің қызметінен кететінін мәлімдеді", - делінген жұма күнгі хабарламада.
Естеріңізге сала кетейік, 22 наурызда ҚазТАГ бас прокуратураның Қазақстан футбол федерациясы басшысының бұрынғы қылмыстық істерін жоққа шығармағанын хабарлады.
Осыдан кейін, ҚФФ басшысының атына сыни пікірлердің көбеюін ескерген ҚазТАГ мамыр айының соңында Бас прокуратураға, сондай-ақ сыбайлас жемқорлыққа қарсы қызметке, тіпті Президент Әкімшілігіне де жаңа сауал жолдады. ПӘ сауалды тиісті ведомстволарға, соның ішінде туризм және спорт министрлігіне жолдаған. Алайда, барлық жауап ҚФФ құрылымды кім басқаратынын өз бетінше шеше алады деген мазмұнда келген. Бұл ретте, ҚазТАГ екі ай бұрын аталған құрылымдарға жолдаған Барменқұлов туралы сауалнамасында бұл жағдайдың Қазақстанның беделіне нұқсан келтіретініне назар аударған еді.
Сондай-ақ, ҚазТАГ Қазақстан футбол федерациясының (ҚФФ) президенті Әділет Барменқұловтың жеке басына қатысты жанжалдар халықаралық деңгейге шығуы мүмкін екенін хабарлады. 13 шілдеде БАРМЕНҚҰЛОВТЫҢ УЕФА тергеуінде екендігі белгілі болды.
Барменқұловтың Қазақстан футбол федерациясының басшысы қызметінен кететіні туралы хабарланды
