Ақтау. 26 сәуір. ҚазТАГ – Маңғыстау облысында әлеуметтік-маңызды азық-түлік тауарларының 2024 жылдың ІІ тоқсанына арналған шекті бағасы «қызметтік пайдалану үшін» (ҚПҮ) белгісімен жасырылған, деп хабарлады агенттік тілшісі.
«Қызметтік пайдалану үшін», - делінген Қазақстан Республикасы электрондық нысандағы нормативтік құқықтық актілердің эталонды бақылау банкіндегі қаулы бетіне өту кезіндегі хабарламада.
Сонымен қатар, хабарламаның «23.04.2024 жылғы өзекті нұсқасы» туралы екені айтылған және «қызметтік пайдалану үшін» деп білгіленген нормативтік құқықтық актілер Эталонды бақылау банкінде деректемелер түрінде көрсетілген.
НҚА карточкасына сәйкес, қаулыны Маңғыстау облысының әкімдігі қабылдаған және оған «64 ДСП» нөмірі берілген.
Осылайша, өңір тұрғындары әлеуметтік-маңызды азық-түлік тауарларын сатып алу кезінде қай заңға сүйенулері керек және сатушының бағаны көтеріп тұрмағанын қалай түсіне алады – бұл ақпаратты әкімдік жасырып қалған.
Маңғыстауда әлеуметтік азық-түліктің шекті бағасы «қызметтік пайдалану үшін» белгісімен жасырылған
