Астана. 5 ақпан. ҚазТАГ – Ұлыбритания елшісі Кэтрин Лич тәжірибе алмасу бойынша бірлескен жобалар шеңберінде екіжақты ынтымақтастықты кеңейтуге қызығушылық білдірді, деп хабарлады сыбайлас жемқорлыққа қарсы іс-қимыл агенттігінің баспасөз қызметінен.
«Өз кезегінде, Кэтрин Лич тәжірибе алмасу бойынша бірлескен жобалар шеңберінде екіжақты ынтымақтастықты кеңейтуге қызығушылық білдірді», - делінген хабарда.
Хабарда айтылғандай, сыбайлас жемқорлыққа қарсы іс-қимыл агенттігінің Төрағасы Асхат Жұмағали Ұлыбритания және Солтүстік Ирландия Біріккен Корольдігінің Қазақстан Республикасындағы Төтенше және Өкілетті Елшісі Кэтрин Личпен екіжақты кездесу өткізді.
Кездесу барысында жемқорлыққа қарсы іс-қимыл саласындағы өзара ынтымақтастық мәселелері талқыланды.
Сыбайлас жемқорлыққа қарсы ведомствоның басшысы Қазақстанда жүргізіліп жатқан реформалармен және Мемлекет басшысының тапсырмасын орындау шеңберінде іске асырылып жатқан Агенттік қызметінің негізгі бағыттарымен таныстырды.
«А. Жұмағали британдық тараппен Экономикалық ынтымақтастық және даму ұйымының жемқорлыққа қарсы озық стандарттарына қол жеткізуге бағытталған өзара іс-қимылдың маңыздылығын атап өтті», - делінген хабарда.
Хабарда атап өтілгендей, кездесу қорытындысы бойынша тараптар сыбайлас жемқорлыққа қарсы саясаттың тиімділігін арттыруға бағытталған бірлескен бастамаларды іске асыру туралы уағдаласты.
Ұлыбритания сыбайлас жемқорлық бойынша бірлескен жобалар шеңберінде екіжақты ынтымақтастықты кеңейтуге қызығушылық білдірді
