Петропавл.26 мамыр.ҚазТАГ- Солтүстік Қазақстан облысында ер адам мен оның жылқысы найзағай түсу салдарынан қаза болды, деп хабарлайды ішкі-істер министрлігінің баспасөз қызметі.
«25 мамыр түнде облыстың Аққайың ауданы полиция бөлімінің кезекші бөліміне Аққайың ауданына қарасты Дайындық және Ленинское ауылдарының арасынан ер адам мен оның жылқысының мәйіті табылғаны туралы хабарлама келіп түскен»,- деп хабарлады полицейлер.
Белгілі болғандай, 31 жастағы ер адам жайылымда мал бағып, бақташы болып жұмыс істеген. Денесі далалықтан табылған.
Оған найзағай түскені анықталды. Ер адам мен оның аты сол жерде қайтыс болған
Тергеу амалдары жүргізіліп, сот-медициналық сараптама тағайындалды.
Солтүстік Қазақстан облысында ер адам мен оның жылқысы найзағай түсу салдарынан қаза болды
