Астана. 18 қазан. ҚазТАГ – Нұрсұлтан Назарбаев Халықаралық сауда орталықтары қауымдастығы (WTCA) басқармасы төрағасының орынбасары Рольф Драакпен және «Nest Investments HOLDINGS» компаниялар тобының корпоративтік қызметтер жөніндегі директоры Мехран Эфтехармен кездесті, деп хабарлады мемлекет басшысының баспасөз қызметінен.
«Кездесу барысында тараптар Қауымдастық пен «Астана» халықаралық қаржы орталығы арасындағы ынтымақтастықтың перспективалы бағыттарын, соның ішінде Қазақстанға әлемнің ірі корпорациялары мен қаржы институттарын тарту, еліміздің халықаралық іскерлік белсенділік орталығы ретіндегі рөлін арттыру, сондай-ақ «ЭКСПО-2017» көрмесінің ғимараттар кешенін көрмеден кейінгі кезеңде пайдалану мәселелерін талқылады», - делінген бейсенбідегі Ақорда хабарында.
Хабарда атап өтілгендей, халықаралық сауда орталықтарының қауымдастығы (WTCA) – жаһандық сауда мен инвестицияны дамытуға ықпал ететін халықаралық саяси емес ұйым. Дүниежүзілік сауда орталықтары өзара бір желі арқылы байланысқан және онда дәстүрге сай «Eni», «Лукойл», «Panasonic», «J.P. Morgan», «Bank of New York» және әлемнің басқа да ірі корпорацияларының офистері орналасқан.
Хабарда айтылғандай, кездесу Брюссель қаласында Қазақстан – Еуропа бизнес-форумы алаңында өтті.
Назарбаев WTCA төрағасының орынбасарымен әлемнің ірі корпорациялары мен қаржылық институттарды тарту жайын талқылады
