Алматы. 20 сәуір. ҚазТАГ – ҚР президенті Нұрсұлтан Назарбаев биыл жазда Түркияға сапарымен барады деп күтілуде, деп хабарлады Қазақстанның сыртқы істер министрлігінің баспасөз қызметінен 19 сәуірде.
«Сыртқы істер министрі Қайрат Әбдірахманов Түркия Республикасына ресми сапармен келді. Анкарадағы келіссөздердің назарында Қазақстан президенті Нұрсұлтан Назарбаевтың Түркияға осы жылдың жазында жасайтын алдағы ресми сапарының маңызды мәселелерін зерделеу. Тараптар, сондай-ақ екі мемлекет басшыларының төрағалығымен өтетін жоғары деңгейдегі Стратегиялық ынтымақтастық кеңесінің отырысына дайындалуда», - делінген СІМ таратқан хабарда.
Хабарда атап өтілгендей, Қ.Әбдірахмановтың Түркия СІМ басшысы Мевлют Чавушоғлумен болған келіссөздерінің барысында тараптар Қазақстан Республикасы Президентінің Анкараға жасайтын сапарының күн тәртібі мен оның аясында қол қоюға ұсынылатын құжаттардың жобаларын үйлестіруді таяу болашақта аяқтауға келісті.
Сонымен қатар бірқатар экономикалық келісім-шарттарды жасасу мәселесі пысықталуда. Ынтымақтастықтың келешегі зор бағыттары: көлік, ауыл шаруашылығы, шағын және орта бизнес, туризм. Тараптар екі елдің транзиттік-көліктік әлеуетін одан әрі дамытуға мүдделі.
Сонымен бірге келіссөздер барысында тараптар Сирия жөніндегі Астаналық үдерісті одан әрі нығайтуға қолдау көрсетті.
«Бүгінде Астана процесі тек жалғастыруды ғана емес, жергілікті жердегі жағдайды жақсарту үшін халықаралық қолдауға мұқтаж. Бұл ретте біздің барлығымыз саяси реттеуге арналған платформа ретінде БҰҰ қорауныдағы женева алаңын толыққолдауымыз керек», - деп атап өтті Қ.Әбдірахманов.
Түркия Қазақстанның басым инвестициялық әріптесі болып қалуда.
«Екі ел үкіметі Президент Р.Ердоғанның өткен жылдың қыркүйек айында Астанаға жасаған сапары барысында қол жеткізілген уағдаластықтарды жүзеге асырумен айналысуда», - деп еске салады СІМ баспасөз қызметінен.
2017 жылы Қазақстан мен Түркия арасындағы тауар айналымы өткен жылмен салыстырғанда 28 пайызға артып, 1,9 миллиард долларды құрады. СІМ басшысы Қазақстан экономикасын жаңғырту бойынша бастамалар мен «Рухани жаңғыру» бағдарламасы туралы айтты. Қызығушылықты қазақ тілін латын әліпбиіне көшіру туғызды.
Назарбаев биыл жазда іс-сапармен Түркияға барады деп күтілуде
