Маңғыстау облысында деструктивті діни ағымды ұстанушы екі тұрғын ұсталды

Күні: 13:23, 10-08-2020.

Ақтау. 10 тамыз. ҚазТАГ – Маңғыстау облысында деструктивті діни ағымды ұстанушы екі тұрғын ұсталды, деп хабарлады ҚР ұлттық қауіпсіщзідк комитетінің (ҰҚК) баспасөз қызметінен.
«2020 жылғы 7 тамызда Ұлттық қауіпсіздік комитеті атыс қаруын заңсыз жасау және өткізу фактілері бойынша сотқа дейінгі тергеу шеңберінде Маңғыстау облысы Жаңаөзен қаласының деструктивті діни ағымды ұстанушы 2 тұрғынын ұстады.. (…)9 тамызда сот күдікті адамдарды қамауды санкциялады», - делінген дүйсенбідегі хабарда.
Ведомствода нақтылағандай, тінту барысында заттай дәлелдемелер, оның ішінде екі автомат, үш пистолет, дыбыссыз атуға арналған құрылғы, сондай-ақ оқ-дәрілер табылып, алынды.
«Тергеу фигуранттардың экстремистік сипаттағы қылмыстарға қатысын тексеріп, істің өзге де мән-жайларын анықтауда», - делінген хабарда.


Жаңалықтармен бөлісу: