Астана. 27 мамыр. ҚазТАГ-соңғы екі жылда атаулы әлеуметтік көмек (АӘК) алған 99 мыңнан астам отбасы кедейлік жағдайынан шықты, деп хабарлайды Қазақстан Республикасы Еңбек және халықты әлеуметтік қорғау министрлігі.
"2020 және 2021 жылдары атаулы әлеуметтік көмек алған 99 220 отбасы мемлекеттік қолдау шараларының арқасында кедейлік жағдайынан шықты", - деп хабарлады ҚР ЕХӘҚМ әлеуметтік көмек департаментінің директоры Асқар Ниязов жұмада өткен брифингте.
Әңгіме 2020 жылдан бастап енгізілген көмек көрсету тәсілдері туралы болып отыр: табысы өңірлік ең төменгі күнкөріс деңгейінің 70% - ынан аспайтын азаматтарға тоқсан сайын әлеуметтік көмек тағайындау; табысы аз отбасылардың бір жастан алты жасқа дейінгі балаларына кепілдік берілген әлеуметтік пакет беру.
Ниязовтың айтуынша,өткен жылы АӘК жалпы сомасы Т65,6 млрд теңгеге 198,4 мың отбасы (990,5 мың адам), биылғы 1 мамырдағы жағдай бойынша Т18,8 млрд теңгеге 111,4 мың отбасы (571,1 мың адам) алды.
Өңірлік бөліністе өткен жылдың қорытындысы бойынша АӘК алушылардың ең көп саны Шымкент қаласында – 47,2 мың отбасы (23,8%), ең азы - Солтүстік Қазақстан облысында-2,7 мың отбасы байқалады.
"Көмек алушы отбасылар арасында көп балалы отбасылар саны 40,4% (44 966 көп балалы отбасы) құрайды. Бұл өткен жылдың көрсеткішінен 2,5% – ға жоғары (37,9%)", - деп атап өтті Ниязов.
2021 жылдың қорытындысы бойынша жұмыспен қамту шараларымен шартты атаулы көмек алатын 160,6 мың отбасының 273,4 мың еңбекке қабілетті тұлғаларының ішінен 206,5 мың адам қамтылды.
АӘК алатын отбасыларға өмірлік қиын жағдайдан шығу бойынша көмек шаралары көрсетілетіні атап өтілді.
Қазақстан билігі 100 мыңға жуық отбасының кедейлікті жеңгені туралы есеп берді
