Астана. 21 ақпан. ҚазТАГ - Қайрат Рахымов ҚР энергетика вице-министрі болып тағайындалды, деп хабарлады ҚР премьер-министрінің баспасөз қызметінен.
«ҚР Үкіметінің 2020 жылғы 21 ақпандағы Қаулысымен Қайрат Болатұлы Рахымов Қазақстан Республикасының энергетика вице-министрі лауазымына тағайындалды», - делінген жұмадағы хабарда.
Қайрат Рахымов 2007-2015 жылдары ҚР Энергетика министрлігінде және Табиғи монополияларды реттеу агенттігінде сарапшы, бас сарапшы, басқарма басшысы лауазымдарын атқарған. 2015-2018 жылдары — ҚР Энергетика министрлігі Электр энергетикасы және көмір өнеркәсібі департаменті директорының орынбасары. 2018 жылғы шілдеден бастап қазіргі таңға дейін ҚР Энергетика министрлігінің Электр энергетикасы департаментінің директоры қызметін атқарды.
Қайрат Рахымов ҚР энергетика вице-министрі болып тағайындалды
