Алматыда жасөспірімді өлтіруге қатысы бар деген күдікпен кәмелетке толмаған бала ұсталды

Күні: 16:35, 24-06-2022.

   Алматы. 24 маусым. ҚазТАГ – Алматыда жасөспірімді өлтіруге қатысы бар деген күдікпен кәмелетке толмаған бала ұсталды, деп хабарлады қалалық полиция департаментінің баспасөз қызметінен.
   «Алматы қаласының полиция департаменті ағымдағы жылдың 23 маусымында Медеу аудандық полиция бөліміне 2007 жылы туған С.-ның жоғалып кеткені туралы арыз түскенін хабарлайды. Кәмелетке толмағанның жүрген жерін анықтау үшін жедел-тергеу тобы құрылды. Түс ауа бау-бақша қоғамдарының бірінің аумағында зорлықпен өлім белгілері бар жоғалған адамның мәйіті табылды. Осы қылмысты жасады деген күдікпен 2006 жылы туған азамат Р. жанжалдан кейін досын өлтіргенін айтты», - делінген хабарламада.
   Сотқа дейінгі тергеу жалғасуда. Сараптама тағайындалды.


Жаңалықтармен бөлісу: