Астана. 27 қазан. ҚазТАГ – Қазақстан президенті Қасым-Жомарт Тоқаев Қазақстанда балкондарға еліміздің туын ілгендерді қолдады, деп хабарлады агенттік тілшісі.
«Парламенттің бірқатар депутаттары мен патриот азаматтардың еліміздің мемлекеттік рәміздерін, атап айтқанда, ҚР мемлекеттік туын кеңінен қолдану туралы ұсынысын қолдаймын. Қолданыстағы заңнамада туымызды пайдалануға қатысты шектеулер бар. Мысалы, пәтерлердің балконына немесе үйлердің қабырғасына ту ілуге тиым салынған. Заңнамалық және нормативтік актілерді, ең алдымен, Мемлекеттік рәміздерді пайдалану қағидаларын қайта қарау қажет», - деп жазды Тоқаев Twitter парақшасында.
Атап өтелік, қазіргі норма бойынша Қазақстанда туды балкондарға ілгені үшін айыппұл салынады.
Тоқаев Қазақстанда балкондарға еліміздің туын ілгендерді қолдады
